2 bagitong tulak, timbog

@Balitang Probinsiya | March 18, 2023

ILOILO—Dalawang bagitong drug pusher ang nadakip sa drug-bust operation ng mga awtoridad kamakalawa sa Bgy. Igcocolo, Guimbal sa lalawigang ito.

Ang mga nadakip na suspek ay nakilalang sina Rofani Pineda at Adrian Gimeno, kapwa nasa hustong gulang at nakatira sa nasabing lalawigan.

Ayon sa ulat, nagsagawa ng drug-bust operation ang mga operatiba sa nasabing lugar, kaya nadakip ang dalawang drug pushers.

Napag-alaman na nakakumpiska ang mga awtoridad ng limang sachets ng shabu at markadong pera sa pag-iingat ng dalawang suspek.

Nahaharap ngayon ang dalawang suspek sa kasong paglabag sa Comprehensive Dangerous Drugs Act of 2002.