2 armalite rifles, narekober sa kuta ng NPA

@Balitang Probinsiya | November 04, 2020

Isabela—Dalawang armalite rifles ang narekober ng mga awtoridad sa kuta ng mga miyembro ng New People’s Army (NPA) kamakalawa sa bulubunduking lugar ng Bgy. Diwagden, San Mariano.

Ang nakumpiskang dalawang armas ay bigay umano ng isang “Kumander Yuni” sa isang katutubo na itinago sa pangalang “Kanoy” na ni-recruit para maging rebelde.

Nabatid na mismong si “Kanoy” na sumuko sa kamakailan sa mga awtoridad ang nagturo sa kuta ng NPA at dito narekober ang dalawang armalite rifles.

Sinabi ni “Kanoy” na nagpasya siyang sumuko at ituro ang kuta ng NPA dahil hindi umano niya nagugustuhan ang pamamalakad ng mga terorista sa kanilang lugar.

Naglunsad na ng manhunt operations ang mga awtoridad para madakip ang kumander ng NPA sa nasabing lalawigan.