2 armado dedbol sa checkpoint

@Balitang Probinsiya | Pebrero 22, 2023

NORTH COTABATO — Dalawang armadong lalaki ang napatay nang manlaban at makipagbarilan sa mga awtoridad sa police checkpoint kamakalawa sa national highway ng bayan ng Kabacan sa lalawigang ito.

Sa ngayion ay inaalam pa ng pulisya ang pagkakakilanlan ng dalawang napatay na suspek.

Nabatid na napadaan sa checkpoint ang motorsiklong kinalululanan ng dalawang suspek, pero imbes huminto ay pinagbabaril ng mga ito ang mga awtoridad.

Dahil dito, agad gumanti ang mga operatiba kaya napatay ang dalawang suspek na nagtamo ng mga tama ng bala sa katawan.

Nakarekober ang mga awtoridad ng mga baril na dala ng mga suspek sa pinangyarihan ng insidente.