2-anyos nalunod sa balon, patay

@Balitang Probinsiya | May 6, 2023

NEGROS OCCIDENTAL—Isang 2-taong gulang na batang lalaki ang namatay nang malunod sa balon, kamakalawa sa Bgy. Matab-ang, Talisay City sa lalawigang ito.

Sa kahilingan ng pamilya ng biktima ay hindi na pinangalanan ang nalunod na batang lalaki.

Ayon sa ulat, ipinasyal ng kanyang ina ang bata sa bahay ng kanyang lola, at naglaro sa bakuran ang biktima hanggang nawala ito sa paningin ng kanyang mga kamag-anak.

Sa paghahanap ng kanyang mga kamag-anak, natagpuan ang biktima na nakalutang sa tubig-balon.

Agad dinala ng kanyang mga kamag-anak ang biktima sa ospital, pero idineklara itong dead-on-arrival.