2 Abu Sayyaf, dedbol sa shootout

@Balitang Probinsiya | November 20, 2020

ZAMBOANGA SIBUGAY—Dalawang miyembro ng Abu Sayyaf Group (ASG) ang napatay nang makipagbarilan sa pulisya kamakalawa sa Bgy. Sisay, Tungawan.

Kinilala ang mga suspek na sina Jomar Aukasa at alyas Butsoy, kapwa miyembro ng ASG na nag-o-operate sa nabanggit na lalawigan.

Ayon sa ulat, nakita ng mga awtoridad sina Aukasa at “Butsoy” sa nasabing barangay at darakpin sana, pero biglang pinagbabaril ng mga terorista ang mga operatiba.

Dahil dito, kaagad gumanti ng putok ang mga awtoridad kaya napatay ang mga suspek.

Nakakumpiska ang mga awtoridad ng dalawang baril at mga bala sa pinangyarihan ng insidente.