18-anyos, todas sa 15 yrs. old na utol

@Balitang Probinsiya | July 25, 2023

ILOILO — Isang 18-anyos na binata ang namatay nang saksakin ng kanyang 15 years old na kapatid, kamakalawa sa Bgy. Dolores, Balasan sa lalawigang ito.

Kinilala ang biktima na si Amply Tameses, samantalang hindi na pinangalanan ang suspek dahil menor-de-edad.

Ayon sa ulat, nagkaroon ng pagtatalo ang magkapatid kaya sinaksak ng suspek ang biktima.

Agad na dinala ng kanilang mga kamag-anak ang biktima sa ospital, pero idineklara itong dead-on-arrival.

Sumuko naman sa pulisya ang suspek na nahaharap sa kasong parricide.