17-anyos, todas sa kidlat

@Balitang Probinsiya | June 3, 2023

AKLAN—Isang 17-anyos na binatilyo ang namatay nang tamaan ng kidlat kamakalawa habang nangingisda sa karagatang sakop ng Bgy. Libertad, Nabas sa lalawigang ito.

Kinilala ang biktima na si Rey Almoquera, residente sa nasabing barangay.

Ayon sa ulat, habang lulan ng bangka si Almoquera at nangingisda kasama ang anim pang mangingisda ay biglang bumuhos ang ulan at kasunod ang pagkidlat na tumama sa biktima.

Nabatid na nagtamo ng 3rd degree burn sa katawan at nawalan ng ulirat ang biktima.

Dinala ng mga kasamahan niyang mangingisda ang biktima sa ospital, pero idineklara itong dead-on-arrival.