15-anyos na gf, nireyp, kelot arestado

@Balitang Probinsiya | August 12, 2023

ILOILO -- Isang 23-anyos na binata na gumahasa sa kanyang nobya ang inaresto ng pulisya kamakalawa sa Bgy. Sto. Domingo, Barotac Vievo sa lalawigang ito.

Hindi na muna pinangalanan ang suspek habang iniimbestigahan ito ng mga awtoridad.

Nabatid na nadakip ng pulisya ang suspek sa bisa ng warrant of arrest na inisyu ng korte kaugnay sa panggagahasa nito sa kanyang nobyang 15-anyos na dalagita.

Hindi naman nanlaban ang suspek nang arestuhin ng mga operatiba sa loob ng kanilang bahay.

Nakapiit na ngayon ang suspek sa detention cell ng himpilan ng pulisya.