12 sabungero, timbog sa tupada

@Balitang Probinsiya | February 20, 2021

NUEVA ECIJA—Labingdalawang sabungero ang inaresto ng pulisya nang mahuli sa aktong nagtutupada kamakalawa sa Bgy. Malayantoc, Sto. Domingo.

Hindi muna pinangalanan ang mga suspek habang iniimbestigahan pa sila ng pulisya.

Ayon sa ulat, may nag-tip sa mga awtoridad na may kalalakihan nagtutupada sa nasabing barangay kaya agad nagsagawa ng pagsalakay ang pulisya at dinakip ang mga suspek.

Nakakumpiska ang mga operatiba ng mga manok na panabong, cash at mga tari sa pag-iingat ng mga suspek.

Nakapiit na ang mga suspek na pawang nahaharap sa kasong paglabag sa RA 1602 o illegal gambling.