12 miyembro ng BIFF, sumurender

@Balitang Probinsiya | December 21, 2021

MAGUINDANAO--Labingdalawang miyembro ng Bangsamoro Islamic Freedom Fighters (BIFF) ang sumuko sa pamahalaan kamakalawa sa bayan ng Datu Salibo.

Para sa kanilang seguridad ay hindi na pinangalanan ng mga awtoridad ang mga sumukong terorista.

Nabatid na isinuko rin sa mga awtoridad ng mga BIFF members ang dala nilang mga armas at pampasabog.

Sinabi ng mga sumukong BIFF members na nagsagawa na sila sa matagal na pakikipaglaban sa pamahalaan kaya nagpasya silang magbalik-loob sa gobyerno.

Patuloy pang isinasailalim sa taktikal na interogasyon ang mga sumukong BIFF members upang matiyak na bukal sa kanilang kalooban ang pagbabalik-loob sa pamahalaan.