12 komunistang NPA, sumuko

@Balitang Probinsiya | October 02, 2023

NEGROS OCCIDENTAL -- Labindalawang miyembro ng New People’s Army (NPA) ang sumuko sa pamahalaan kamakalawa sa Bgy. Bato, Sagay City sa lalawigang ito.

Para sa kanilang seguridad ay hindi na pinangalanan ng mga awtoridad ang 12 sumurender na komunista na pawang miyembro ng NPA-Northern Negros Front na nag-o-operate sa lalawigan.

Napag-alaman na isinuko rin ng mga NPA ang mga dala nilang armas, bala sa subersibong dokumento sa mga awtoridad.

Ayon sa mga sumukong komunista, nahihirapan na umano silang mamuhay sa bundok kaya nagbalik-loob sila sa pamahalaan.

Isinasailalim na sa taktikal na interogasyon ang mga sumurender na NPA para matiyak na bukal sa kanilang kalooban ang pagsuko sa gobyerno.