1 tulak, 4 adik huli sa drug-bust

@Balitang Probinsiya | October 14, 2020

BATANGAS—Isang drug pusher at apat na drug addicts ang nadakip sa isinagawang drug-bust operation ng mga awtoridad kamakalawa sa Bgy. Lumbang, Lipa City.

Ang mga suspek ay nakilalang sina Engilbert Banares, Ernie de Villa, Jeffrey Reyes, Eric Masongsong at Jomar Andales, pawang nakatira sa nabanggit na lungsod.

Ayon sa ulat, naaresto ng pulisya sa buy-bust operation ang drug pusher na si Banares at sa loob ng bahay nito ay nahuli sa akto ang apat na drug addict na sina De Villa, Reyes, Masongsong at Andales na sumisinghot ng shabu.

Nabatid na nakakumpiska ang pulisya ng pakete ng shabu, markadong pera, baril at mga drug paraphernalia sa pag-iingat ng mga suspek.

Nakapiit na ang mga suspek na pawang nahaharap sa kasong paglabag sa Comprehensive Dangerous Drugs Act of 2002 at illegal possession of firearms and ammunitions.