1 sa 2 killer ng negosyante, nasakote
BULGAR
Dec 9, 2022
1 min read
@Balitang Probinsiya | December 9, 2022
PALAWAN—Isa sa dalawang lalaking pumatay sa isang negosyante ang nadakip ng pulisya kamakalawa sa Bgy. Milagrosa, Puerto Princesa City.
Kinilala ng pulisya ang nadakip na suspek na si Kenneth Lagan, 35-anyos at nakatira sa naturang lungsod.
Nabatid na dinakip ng mga awtoridad si Lagan sa bisa ng warrant of arrest na inisyu ng korte kaugnay sa kinasasangkutan nitong kasong pagpatay kay Paterno Betita noong Hunyo 30, 2022 sa nasabing lalawigan.
Kusa namang sumama si Lagan sa pulisya nang dakpin siya sa nabanggit na barangay.
Patuloy pa rin pinaghahanap ng pulisya ang kasamahan ni Lagan na bumaril at pumatay sa biktima.
Comments