Habang naka-FB live.. Online seller nagbigti

Isang ginang ang namatay matapos umanong magbigti sa Cagayan de Oro City.

Kinilala ang nasawi na si ‘Evangeline’, 40, online seller at may dalawang anak.

Sa panayam ng Bombo Radyo, sinabi ni Puerto Police Station Chief Investigation Officer Chief Master Sergeant Marvin Yacapin na walang foul play sa pagkamatay ng ginang matapos nitong idaan sa Facebook live ang pagpapakamatay sa pamamagitan ng pagbibigti sa loob ng kanyang kuwarto.

Samantala, may iniwan na dalawang pahinang suicide letter ang ginang para sa kanyang mga anak na nag-aaral sa kolehiyo. Ayon naman sa mga anak ng biktima, malaki ang problema ng kanilang ina sa pera.