Wanted, tiklo sa hideout

@Balitang Probinsiya | December 28, 2020

BATANGAS—Isang most wanted criminal ang naaresto ng pulisya kamakalawa sa kanyang hdeout sa Bgy. Aga, Nasugbu.

Kinilala ng pulisya ang suspek na si Chris Anthony Manibay, pansamantalang nakatira sa nabanggit na bayan.

Nabatid na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong mga kasong frastrated murder sa lalawigan.

Napag-alamang may nagbigay impormason sa pulisya sa pinagtataguan ni Manibay kaya agad rumesponde ang mga operatiba at dinakip ang suspek.

Hindi naman nanlaban ang suspek nang dakpin siya ng pulisya sa nasabing lugar.