Wanted sa Valenzuela timbog sa Capiz

@Balitang Probinsiya | August 28, 2022

CAPIZ—Isang most wanted sa Valenzuela City ang naaresto ng pulisya kamakalawa sa kanyang hideout sa Bgy. Poblacion Tabuc, Maayon.

Ang suspek ay kinilala ng pulisya na si Justin Asigan, 26-anyos, at pansamantalang nakatira sa naturang bayan.

Napag-alamang dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa Valenzuela City.

Ayon sa ulat, nakita ng mga nagpapatrulyang pulisya si Asigan sa nasabing lugar kaya agad itong inaresto.

Kusa namang sumama sa pulisya ang suspek at ngayon ay nakapiit na siya sa detention cell ng himpilan ng pulisya.