Wanted sa Masbate, tiklo sa Batangas

@Balitang Probinsiya | August 9, 2022

BATANGAS—Isang most wanted criminal sa Masbate ang naaresto ng pulisya kamakalawa sa kanyang hideout sa Lipa City.

Ang suspek ay kinilala ng pulisya na si Ricky Canezal, nasa hustong gulang at pansamantalang nakatira sa nasabing lungsod.

Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong 3-counts ng kasong qualified rape at 3 counts ng sexual assault sa Masbate.

Nabatid na may nagbigay-impormasyon sa kinaroroonan ni Canezal kaya agad rumesponde ang mga operatiba at dito dinakip ang suspek.

Hindi naman nanlaban ang suspek nang dakpin siya ng mga awtoridad sa nasabing barangay.