Wanted sa kasong murder, nasakote

@Balitang Probinsiya | January 23, 2022

PALAWAN–Isang lalaking wanted sa kasong murder ang nadakip ng pulisya kamakalawa sa kanyang hideout sa Bgy. San Miguel, Puerto Princesa City.

Kinilala ng pulisya ang suspek si Rudy Balisacan, 47-anyos, at pansamantalang nakatira sa nabanggit na barangay.

Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong murder sa lalawigan.

Nabatid na may nagbigay-impormasyon sa pulisya sa pinagtataguan ni Balisacan kaya agad rumesponde ang mga awtoridad at inaresto ang supek.

Hindi naman nanlaban ang suspek sa mga awtoridad at sa ngayon ay nakapiit na siya sa detention cell ng himpilan ng pulisya.