Wanted sa Albay timbog sa Laguna
BULGAR
Sep 4, 2022
1 min read
@Balitang Probinsiya | September 4, 2022
LAGUNA—Isang most wanted na rapist sa Albay ang naaresto ng pulisya kamakalawa sa kanyang hideout sa Bgy. Rizal, Calamba.
Hindi na muna pinangalanan ang suspek na 48-anyos habang iniimbestigahan ito ng mga awtoridad.
Napag-alamang dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa Daraga, Albay.
Ayon sa ulat, may nagbigay-impormasyon sa pinagtataguan ng rapist kaya agad rumesponde ang pulisya at dinakip ang suspek sa nasabing barangay.
Kusa namang sumama sa pulisya ang suspek at ngayon ay nakapiit na siya sa detention cell ng himpilan ng pulisya.
Comments