Wanted na rapist tiklo sa hideout

@Balitang Probinsiya | October 10, 2022

ALBAY—Isang wanted na rapist ang nadakip ng pulisya kamakalawa sa kanyang hideout sa Bgy. Arimbay, Legazpi City.

Hindi muna pinangalanan ng pulisya ang suspek habang iniimbestigahan pa ito.

Nabatid na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa lalawigan.

Napag-alamang may nagbigay-impormasyon sa pulisya sa pinagtataguan ng suspek, kaya agad itong sinalakay ng mga awtoridad at dinakip ang rapist.

Nakapiit na ang suspek sa detention cell ng himpilan ng pulisya.