Wanted na rapist, tiklo sa hideout

@Balitang Probinsiya | January 18, 2021

NUEVA ECJA—Isang wanted na rapist ang nadakip ng pulisya kamakalawa sa kanyang hideout sa Bgy. San Fernando, Laur.

Ang suspek ay nakilalang si Steven Ruiz, 20-anyos, pansamantalang nakatira sa naturang barangay.

Ayon sa ulat, inaresto ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape.

Nabatid na may nagbigay-impormasyon sa pulisya sa pinagtataguan ni Ruiz kaya kaagad rumesponde ang mga awtoridad at dinakip ang suspek.

Kusa namang sumama sa pulisya ang suspek nang dakpin siya sa nabanggit na barangay.