Wanted na rapist, nasakote

@Balitang Probinsiya | February 15, 2021

LAGUNA—Isang most wanted na rapist ang naaresto ng pulisya kamakalawa sa kanyang hideout sa Bgy. Labuin, Sta. Cruz.

Ang suspek kinilala ng pulisya na si Reagan Noble, pansamantalang nakatira sa nasabing barangay.

Nabatid na inaresto ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa lalawigan ng Rizal.

Nabatid na may nag-tip sa pulisya sa pinagtataguan ni Noble kaya agad rumesponde ang mga operatiba at dinakip ang suspek.

Kusa namang sumama sa pulisya at hindi na nanlaban ang suspek nang dakpin siya sa nasabing barangay.