Wanted na manyakis nasakote

@Balitang Probinsiya | September 10, 2022

ALBAY—Isang wanted na manyakis ang naaresto ng pulisya kamakalawa sa kanyang hideout sa Bgy. Pawa, Tabaco City.

Hindi na muna pinangalanan ang suspek habang iniimbestigahan ito ng pulisya.

Napag-alamang dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong Acts of Lasciviousness at child abuse sa lalawigan.

Ayon sa ulat, nakita ng mga nagpapatrulyang pulisya ang suspek sa nasabing lugar kaya agad itong inaresto.

Kusa namang sumama sa pulisya ang suspek at ngayon ay nakapiit na siya sa detention cell ng himpilan ng pulisya.