Wanted na magsasaka, nasakote

@Balitang Probinsiya | February 10, 2022

CAPIZ–Isang wanted na magsasaka ang naaresto ng pulisya kamakalawa sa kanyang hideout sa Bgy. Cabungahan, Maayon.

Ang suspek ay kinilala ng pulisya na si Roberto Denosta, nasa hustong gulang at pansamantalang nakatira sa nabanggit na barangay.

Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong attempted homicide sa lalawigan.

Nabatid na may nagbigay-impormasyon sa pulisya sa pinagtataguan ni Denosta kaya rumesponde ang mga awtoridad at inaresto ang suspek.

Hindi naman nanlaban ang suspek sa mga awtoridad at sa ngayon ay nakapiit na sa detention cell ng himpilan ng pulisya.