Wanted na lolo, nanlaban todas sa shootout
- BULGAR
- Jun 29, 2020
- 1 min read
@Balitang Probinsiya | June 29, 2020
QUEZON—Isang wanted na lolo ang napatay nang manlaban at makipagbarilan sa pulisya kamakalawa sa Bgy. Alitao, Tayabas City.
Ang suspek na nagtamo ng mga tama ng bala sa katawan ay kinilala ng pulisya na si Jose Lubrica, 70-anyos, pansamantalang nakatira sa naturang barangay.
Nabatid na aarestuhin sana ng pulisya si Lubrica sa bisa ng warrant of arrest kaugnay sa kaso nitong double murder, pero bigla nitong pinagbabaril ang mga awtoridad.
Dahil dito, kaagad gumanti ng putok ang mga awtoridad na naging dahilan kaya napatay si Lubrica.
Nakarekober ang pulisya ng kalibre .45 psitola at mga bala sa pinangyarihan ng insidente.
Comments