Wanted na killer nasakote
BULGAR
Jan 9, 2023
1 min read
@Balitang Probinsiya | Enero 9, 2023
PALAWAN—Isang wanted na killer ang naaresto ng pulisya kamakalawa sa kanyang hideout sa Bgy. Bunog, Rizal.
Kinilala ng pulisya ang suspek na si Roel Monserate, nasa hustong gulang at pansamantalang nakatira sa nasabing barangay.
Ayon sa ulat, dinakip ng pulisya ang suspek dahil sa ginawa nitong pagbabaril at pagpatay sa isang negosyante sa lalawigan.
Napag-alamang may nag-tip sa pulisya sa pinagtataguan ni Monserate, kaya agad rumesponde ang mga operatiba at dinakip ang suspek.
Nakapiit na ang suspek sa detention cell ng himpilan ng pulisya at sa ngayon ay nahaharap siya sa kasong murder.
Comments