Wanted na kelot, nasakote

@Balitang Probinsiya | January 27, 2022

CAMARINES NORTE–Isang lalaking wanted ang nadakip ng pulisya kamakalawa sa kanyang hideout sa Bgy. San Felipe, Basud.

Kinilala ng pulisya ang suspek si Meriel Timbal, 27-anyos, at pansamantalang nakatira sa nabanggit na barangay.

Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong serious physical injury sa lalawigan.

Nabatid na may nagbigay-impormasyon sa pulisya sa pinagtataguan ni Timbal kaya agad rumesponde ang mga awtoridad at inaresto ang supek.

Hindi naman nanlaban ang suspek sa mga awtoridad at sa ngayon ay nakapiit na siya sa detention cell ng himpilan ng pulisya.