Vape shop nilooban

@Balitang Probinsiya | December 1, 2023

AKLAN -- Isang vape shop ang nilooban ng isang miyembro ng “Akyat-Bahay Gang” kamakalawa sa Brgy. Poblacion, Kalibo sa lalawigang ito.

Hindi na pinangalanan ng pulisya ang may-ari ng vape shop na ninakawan.

Nabatid na walang tao sa naturang establisimyento nang pasukin ito ng isang miyembro ng “Akyat-Bahay Gang” at natuklasan lang ang pagnanakaw nang magtungo at pumasok ang may-ari sa kanyang vape shop.

Napag-alaman na nakatangay ang suspek ng cash at mga vape sa niloobang shop.

Kaugnay nito, naglunsad na ng manhunt operation ang pulisya para madakip ang magnanakaw.