Tricycle bumangga sa pick-up, 2 kritikal

@Balitang Probinsiya | January 31, 2022

AKLAN–Dalawang lalaki ang nasa kritikal na kalagayan nang aksidenteng bumangga ang kinalululanan nilang tricycle sa nakaparadang pick-up kamakalawa sa Bgy. Calangcang, Makato.

Ang mga biktima ay kinilala ng pulisya na sina George Talco, driver ng tricycle at Sandy Sapico, pasahero, kapwa nasa hustong gulang at parehong residente sa nabanggit na bayan.

Ayon sa ulat, nawalan umano ng kontrol si Talco sa pagmamaneho ng tricycle na kinalulunanan ng pasaherong si Sapico kaya bumangga sila sa nakaparadang pick-up sa gilid ng kalsada.

Nabatid na sa lakas ng pagkakabangga ay nagtamo ng malaking pinsala sa ulo at katawan ang mga biktima.

Dinala ng mga saksi ang mga biktima sa ospital at kasalukuyan pa silang inoobserbahan sa pagamutan.