Tanod tinepok ng kaalitan
BULGAR
Apr 29, 2022
1 min read
@Balitang Probinsiya | April 29, 2022
ALBAY – Isang tanod ang namatay nang saksakin ng kanyang kaalitan kamakalawa sa Bgy. Bano, Legazpi City sa lalawigang ito.
Kinilala ng pulisya ang biktimang nagtamo ng isang tama ng saksak sa katawan na si Allan Castro, samantalang ang suspek ay si Roldan Baloloy, kapwa nakatira sa naturang bayan.
Ayon sa ulat, habang nag-uusap ay nagkaroon ng pagtatalo ang dalawa na humantong sa pananaksak ng suspek sa biktima.
Nabatid na agad dinala ng mga saksi ang biktima sa ospital, pero idineklara itong dead-on-arrival.
Nagpalabas na ngayon ng manhunt operation ang pulisya para mdakip ang suspek.
Comments