Tangke ng kalan sumabog, 1 sugatan

@Balitang Probinsiya | May 5, 2023

CAGAYAN—Isang lalaki ang sugatan nang sumabog ang tangke ng kalan sa kanilang bahay, kamakalawa sa Bgy. Malabbac, Iguig sa lalawigang ito.

Sa kahilingan ng kanyang pamilya, ay hindi na pinangalanan ang biktima.

Ayon sa ulat, sumingaw ang hose sa LPG (liquefied petroleum gas) sa kalan ng kanilang bahay kaya't sumabog ito at tinamaan ng shrapnels sa katawan ang biktima.

Nabatid na kasunod ng pagsabog, ay nasunog ang bahay, pero nailabas ng kanyang mga kamag-anak ang biktima mula sa nasusunog nilang bahay.

Sa kasalukuyan ay inoobserbahan pa sa ospital ang biktima.