Sundalo tepok sa sariling baril

@Balitang Probinsiya | November 23, 2022

PALAWAN—Isang sundalo ang namatay nang aksidenteng pumutok ang nililinis niyang baril kamakalawa sa Bgy. 3, Roxas.

Sa kahilingan ng kanyang pamilya ay hindi na pinangalanan ng mga awtoridad ang biktima.

Ayon sa imbestigasyon, habang nililinis ng sundalo ang kanyang kalibre .9mm pistola sa kanilang bahay ay aksidente itong pumutok at tinamaan sa mukha ang biktima.

Dinala ng kanyang mga kamag-anak ang biktima sa pagamutan, pero idineklara itong dead-on-arrival.

Gayunman ay patuloy pa rin ang imbestigasyon ng mga awtoridad sa naganap na insidente.