Sundalo, tepok sa kapwa sundalo

@Balitang Probinsiya | August 2, 2022

SORSOGON—Isang sundalo ang namatay nang barilin ng kapwa niya sundalo sa loob ng barracks ng Philippine Army (PA) kamakalawa sa Bgy. Balogo, Sorsogon City.

Kinilala ng pulisya ang biktimang nagtamo ng tama ng bala sa katawan na si Sgt. Jimmy Banania, 37-anyos, samantalang ang suspek ay si Sgt. Ranly Datu, 44-anyos, kapwa nakatalaga sa 93rd PA Company sa naturang bayan.

Ayon sa ulat, nagkaroon ng pagtatalo sina Banania at Datu na humantong para barilin ng suspek ang biktima.

Kaagad dinala ng mga kapwa niya sundalo si Banania sa ospital, pero idineklara itong dead-on-arrival.

Nakapiit na ang suspek na nahaharap sa kasong murder.