Senglot na rider, naaksidente

@Balitang Probinsiya | August 4, 2022

AKLAN—Sugatan ang isang lasing na rider nang aksidenteng sumemplang ang minamaneho niyang motorsiklo kamakalawa sa Bgy. Nagustan, Nabas.

Kinilala ng pulisya ang biktima na si Carlo Bastian, 22-anyos at residente ng nabanggit na barangay.

Batay sa imbestigasyon, dahil sa labis na kalasingan at nawalan umano ng kontrol ang biktima sa pagmamaneho ng motorsiklo, kaya sumemplang ito sa naturang barangay.

Nabatid na nagkaroon ng malaking pinsala sa ulo at iba't ibang parte ng katawan ang biktima.

Kaagad dinala ng mga saksi ang mga biktima sa ospital at kasalukuyan pa itong inoobserbahan sa pagamutan.