Sekyung pusher, todas sa buy-bust
- BULGAR
- Oct 7, 2020
- 1 min read
@Balitang Probinsiya | October 7, 2020
SORSOGON—Isang security guard na drug pusher ang napatay nang makipagbarilan sa pulisya na nagsagawa ng buy-bust operation kamakalawa sa Bgy. Pangpang West District, Sorsogon City.
Kinilala ang suspek na si Marcelino Basa, nakatira sa Bgy. Anislag, Daraga, Albay.
Ayon sa ulat, nahalata ni Basa na mga operatiba ang kanyang katransaksiyon sa bentahan droga kaya pinagbabaril nito ang pulisya.
Kaagad nakaganti ng putok ang mga awtoridad dahilan kaya napatay ang suspek.
Nakakumpiska ang mga awtoridad ng apat na sachets ng shabu, baril at mga bala sa pinangyarihan ng insidente.
Comments