Sekyu, sugatan sa pananaga

@Balitang Probinsiya | December 16, 2020

QUEZON—Isang security guard ang nasa malubhang kalagayan nang pagtatagain ng hindi kilalang lalaki kamakalawa sa Bgy. Palola, Lucban.

Hindi na muna pinangalanan ng pulisya ang biktima hangga’t hindi naipapabatid sa pamilya nito ang nangyari sa security guard.

Ayon sa ulat, habang nagbabantay ang security guard sa Unica Flora Farm sa nasabing barangay ay bigla itong nilapitan ng suspek at agad pinagtataga ang biktima.

Matapos ang pananaga ay mabilis na tumakas ang suspek.

Iniimbestigahan na ng pulisya ang motibo ng suspek sa pananaga sa biktima.