Sekyu natagpuang patay sa farm
BULGAR
Aug 29, 2022
1 min read
@Balitang Probinsiya | August 29, 2022
BATANGAS—Isang security guard ang natagpuang patay kamakalawa sa binabantayan nitong farm kamakalawa sa Bgy. Paraiso, Calatagan.
Ang biktima ay kinilala ng pulisya na si Junior Tabora, residente ng bayan ng Baras, Rizal at nakadestino bilang guwardiya sa farm sa naturang barangay.
Nabatid na ilang residente ang nakakita sa bangkay ng ng biktima kaya't ini-report nila ito sa pulisya.
Sa pagsisiyasat ng mga awtoridad ay napag-alamang may tama ng bala sa ulo ang biktima.
Patuloy pa rin ang isinasagawang imbestigasyon ng mga awtoridad sa naganap na insidente.
Comments