Sales agent, todas sa kaalitan

@Balitang Probinsiya | January 15, 2022

NUEVA ECIJA–Patay ang isang sales agent nang barilin ng kanyang kaalitan kamakalawa sa Bgy. San Isidro, Sta. Rosa.

Kinilala ng pulisya ang biktimang nagtamo ng mga tama ng bala sa katawan na si Bryan Reyes, nasa hustong gulang, samantalang ang suspek ay si Nonilon Palilio, 37-anyos, kapwa residente sa nasabing na barangay.

Ayon sa ulat, habang nag-uusap ay nagkaroon ng pagtatalo sina Reyes at Palilio na humantong sa pamamaril ng suspek sa biktima.

Kaagad dinala ng mga saksi si Reyes sa ospital, pero idineklara itong dead-on-arrival.

Nagpalabas na ng manhunt operation ang pulisya para madakip ang suspek.