Rider todas sa van

@Balitang Probinsiya | May 29, 2022

AKLAN – Isang 59-anyos na rider ang namatay nang aksidenteng mabangga ng isang van ang minamaneho niyang motorsiklo kamakalawa sa Bgy. Linabuan Sur, Banga sa lalawigang ito.

Ang biktima ay kinilala ng pulisya na si Rolando Tulio, residente ng nasabing barangay.

Ayon sa ulat, mabilis umano ang takbo ng van na minamaneho ni Jolysis Fuentes, nasa hustong gulang, kaya aksidenteng nabangga nito ang motorsiklong kinalululanan ng biktima.

Nabatid na sa lakas ng pagkakabangga ay nagtamo ng malaking pinsala sa ulo at katawan ang biktima.

Dinala ng mga saksi ang biktima sa ospital, pero idineklara itong dead-on-arrival, samantalang sinampahan na ng pulisya si Fuentes ng kasong reckless imprudence resulting to homicide and damage to property.