Rider tepok sa sagasa ng fuel tanker

@Balitang Probinsiya | September 4, 2022

CEBU—Isang rider ang namatay nang aksidenteng masagasaan ng fuel tanker kamakalawa sa Bgy. Linao-Lipata, Minglanilla.

Ang biktima ay kinilala ng pulisya na si Domingo Aquino, Jr., 55-anyos, nakatira sa nabanggit na bayan.

Ayon sa ulat, habang nagmamaneho ng kanyang motorsiklo si Aquino ay nasagi ito ng multicab kaya tumumba ang biktima ay aksidenteng nasagasaan ito ng nakasunod na fuel tanker na minamaneho ni Luis Villaroso, residente rin sa nasabing bayan.

Nabatid na agad namatay ang biktima matapos masagasaan ng fuel tanker.

Samantala, sinampahan na ng pulisya si Villaroso ng kasong reckless imprudence resulting to homicide and damage to property. samantalang inihahanda na rin ng mga awtoridad ang kaukulang kasong isasampa sa hindi pinangalanang driver ng multicab.