Rider na sekyu, tepok sa poste

@Balitang Probinsiya | April 27, 2023

AKLAN—Isang rider na security guard ang namatay nang bumangga ang minamaneho nitong motorsiklo, kamakalawa sa poste ng kuryente sa Bgy. Tabayon, Banga sa lalawigang ito.

Kinilala ang biktima na si Ronald Oquendo, nasa hustong gulang, residente sa nabanggit na bayan.

Ayon sa ulat, nawalan umano ng kontrol sa pagmamaneho si Oquendo, kaya bumangga ang motorsiklong kinalululanan nito sa poste.

Nabatid na sa lakas ng pagkakabangga ay nagtamo ng malaking pinsala sa ulo at katawan ang biktima.

Dinala ng mga saksi ang biktima sa ospital, pero idineklara itong dead-on-arrival.