Rider, binoga ng kapwa rider

@Balitang Probinsiya | October 29, 2020

NUEVA ECIJA—Isang rider ang sugatan nang barilin ng kapwa niya rider kamakalawa sa Bgy. Bantug, Science City of Munoz.

Ang biktimang nagtamo ng tama ng bala sa kanang kamay ay nakilalang si Eric Maniago, residente ng naturang barangay.

Ayon sa ulat, nagkaroon ng pagtatalo sa gitgitan ng motorsiklo si Maniago at ang hindi kilalang suspek at naawat sila nang mamagitan ang mga barangay tanod.

Para makaiwas sa gulo, ipinasiya ni Maniago na paandarin na ang kanyang motorsiklo, pero sinundan siya ng suspek at agad binaril.

Ginagamot na sa ospital ang biktima, samantalang pinaghahanap na ng pulisya ang suspek.