Rapist, timbog sa hideout
- BULGAR
- Jun 21, 2022
- 1 min read
@Balitang Probinsiya | June 21, 2022
QUEZON–Inaresto ng pulisya ang 41-anyos na wanted kamakalawa sa kanyang hideout sa bayan ng Candelaria.
Ang suspek ay kinilala ng pulisya na si Ronel Dimaunahan, pansamantalang nakatira sa nasabing bayan.
Nabatid na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa lalawigan.
Ayon sa ulat, nakita ng mga awtoridad ang suspek sa naturang barangay kaya agad itong inaresto.
Hindi na nanlaban at kusa namang sumama sa mga awtoridad ang suspek.
Comments