Rapist ng Capiz arestado sa Aklan

@Balitang Probinsiya | September 29, 2022

AKLAN—Isang most wanted na rapist sa Capiz ang naaresto ng pulisya kamakalawa sa kanyang hideout sa bayan ng Lezo.

Kinilala ng pulisya ang suspek na si Noel Paitoni, at pansamantalang nakatira sa nabanggit na bayan.

Napag-alamang dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa Dao, Capiz.

Ayon sa ulat, may nagbigay-impormasyon sa pinagtataguan ng rapist kaya agad rumesponde ang pulisya at dinakip ang suspek sa nasabing lugar.

Hindi naman nanlaban ang suspek at ngayon ay nakapiit na siya sa detention cell ng himpilan ng pulisya.