@Balitang Probinsiya | August 31, 2022
SULTAN KUDARAT—Isang drug pusher ang napatay nang manlaban at makipagbarilan sa pulisya na nagsagawa ng drug-bust operation kamakalawa sa Bgy. Sagasa, Esperanza.
Ang suspek na nagtamo ng mga tama ng bala sa katawan ay kinilala ng pulisya na si Tungko Esmael, 56-anyos at residente ng nabanggit na barangay.
Ayon sa ulat, darakpin sana ng pulisya si Esmael sa drug-bust operation pero biglang pinagbabaril ng suspek ang mga operatiba.
Dahil dito, napilitan ang mga awtoridad na pagbabarilin ang suspek na agad nitong ikinamatay.
Nakakumpiska ang pulisya ng baril, mga bala at ilang sachets ng shabu sa pinangyarihan ng insidente.