Pumatay sa kaalitan, sumuko

@Balitang Probinsiya | November 17, 2021

AKLAN—Kusang sumuko sa pulisya ang isang lalaking suspek sa pagpatay sa kanyang kaalitan sa bayan ng Libacao.

Kinilala ng pulisya ang sumukong suspek na si Ricky Alegria, nasa hustong gulang at nakatira sa nasabing bayan.

Ayon sa ulat, nagkaroon ng pagtatalo si Alegria at ang biktimang si Edmund Arias kaya napatay ito ng suspek sa pamamagitan ng pagsakal.

Matapos mapatay ay isinilid ni Alegria ang bangkay ni Arias sa sako at inihulog sa bangin.

Nabatid na nakonsensiya umano si Alegria sa nagawang krimen kaya sumuko ito at itinuro ang lugar kung saan niya itinapon ang bangkay ng biktima.