Pumalag na pusher, utas sa drug-bust

@Balitang Probinsiya | January 29, 2021

QUEZON—Isang drug pusher ang napatay nang manlaban at makipagbarilan sa pulisya na nagsagawa ng drug-bust operation kamakalawa sa Bgy. Isabang, Lucena City.

Ang suspek ay nakilalang si Carlos Cabarle, nakatira sa nabanggit na barangay.

Nabatid na darakpin sana ng mga operatiba si Cabarle sa drug-bust, pero biglang pinagbabaril ng suspek ang mga awtoridad.

Kaagad gumanti ng putok ang pulisya kaya napatay ang suspek na nagtamo ng mga tama ng bala sa katawan.

Napag-alamang nakarekober ang pulisya ng baril, mga bala at sachet ng shabu sa pinangyarihan ng insidente.