Pumalag na karnaper, dedo sa shootout

@Balitang Probinsiya | January 12, 2022

NUEVA ECIJA–Isang karnaper ang napatay nang manlaban at makipagbarilan sa pulisya kamakalawa sa Bgy. Camanacsacan, San Jose City.

Ang suspek na nagtamo ng mga tama ng bala sa katawan ay kinilala ng pulisya na si Bunny Joson, nasa hustong gulang at nakatira sa nasabing lungsod.

Nabatid na napadaan si Joson sa police checkpoint gamit ang kinarnap niyang tricycle, pero imbes ma huminto ay pinagbabaril ng suspek ang mga awtoridad.

Dahil dito ay agad gumanti ng putok ang pulisya kaya napatay ang suspek.

Nakarekober ang pulisya ng baril, mga bala at ang kinarnap na tricycle sa pinangyarihan ng insidente.