Paslit, nalunod sa ilog

@Balitang Probinsiya | September 19, 2023

NEGROS OCCIDENTAL -- Isang 3-taong gulang na batang babae ang namatay nang malunod kamakalawa sa ilog na sakop ng Bgy. Cabacungan, La Castellana sa lalawigang ito.

Dahil menor-edad-edad ay hindi na pinangalanan ng pulisya ang biktima.

Ayon sa ulat, lumabas umano ang ina ng bata sa kanilang bahay, pero lingid sa kaalaman ng nanay ay sumunod ang biktima at nadulas ito kaya nahulog sa ilog.

Napag-alaman na agad sumaklolo ang mga residente, pero hindi agad natagpuan ang biktima na lumubog sa tubig.

Nabatid na lumipas pa ang ilang oras bago natagpuan ang bata nang lumutang ang bangkay nito sa ilog.