Pahinante sinaksak ng kelot

@Balitang Probinsiya | October 4, 2022

AKLAN—Sugatan ang isang pahinante nang saksakin ng hindi kilalang lalaki kamakalawa sa Bgy. Tabayon, Banga.

Ang biktimang nagtamo ng tama ng saksak sa katawan ay nakilalang si Ronnie Gallego, 48-anyos, tubong Bacolod City.

Ayon sa ulat, ipinarada ng driver ang trak at inayang magkape si Gallego bago sila bumiyahe patungong Iloilo, pero habang nagkakape sa karinderya ay napunta ng biktima ang suspek na umaaligid sa kanilang sasakyan.

Nabatid na nilapitan ni Gallego ang suspek at sinita, pero biglang inundayan ng saksak ang biktima at saka tumakas.

Ginagamot na sa ospital ang biktima, samantalang pinaghahanap na ng pulisya ang suspek.